Па традыцыі ў нашай школе адзначаюцца святы народнага календара.
У актавай зале весела, задорна, напеўна! Гучаць песні-вяснянкі, дзяўчаты водзяць карагоды, усе разам гуляем у народныя беларускія гульні. Заклікаем прыход вясны, прылёт птушак, звяртаемся да сонейка!
Адно дзеянне змяняецца другім. Прыгожа апранутыя дзяўчаты ў вяночках запрашаюць на святкаванне Тройцы. Менавіта так адзначаюць Тройцу на Слонімшчыне.

"Топ-5 сувеніраў з Беларусі"

Жыць з любоўю да роднага слова прыемна, годна, свята. Гэтаму трэба і можна вучыцца.
"Шчаслівы той чалавек, хто любіць чытаць. Ён заўсёды сярод добрых і надзейных сяброў" (А.Бельскі). Да Дэкады беларускай мовы і літаратуры наладзілі ў бібліятэцы выставу "Беларускія кнігі" і правялі бібліятэчны ўрок "Прыгожа льецца па прасторы слова беларускай мовы". Што прывезці з Беларусі? Якія сувеніры можна знайсці толькі ў нас, больш нідзе ў свеце? Чым багатая гасцінная краіна Беларусь? Дзіўныя залатыя кветкі, прыгажун-лебедзь з залатым пер'ем, лялькі-абярэгі. Золата палеў, беларускае золата. Жыта. Жыццё. Аб усіх гэтых сімвалах шасцікласнікі вялі размову на ўроку-аўкцыёне "Топ-5 сувеніраў з Беларусі". Атрымаўся своеасаблівы музей, дзе вучні змаглі перажыць узвышаныя пачуцці. У іх атрымалася вобразнае падарожжа па краіне, а сувеніры прайшлі праз душу кожнага.

Мова - гэта вялікі народны скарб.
Яе нельга не паважаць, як нельга
не паважаць родны народ.
І.Мележ

18 лютага 72 аматары роднага слова нашай школы прынялі ўдзел у Рэспубліканскім конкурсе "Буслік".


У школе прайшоў конкурс чытальнікаў вершаў і выканаўцаў музычных твораў.
Пераможцамі сталі вучаніца 10 "А" класа Русак Лізавета, вучні 5 "А" класа Кемяжук Антон і Ярмола Соф'я.
Лепшымі выканаўцамі музычных твораў сталі вакальная група дзяўчынак 6 "Б" класа і вучаніца 7 "А" класа Томчык Анастасія.

Адзіная дыктоўка на прыз БРСМ

22 лютага 2021 года ў рамках мерапрыемстваў, прысвечаных Міжнароднаму дню роднай мовы, была праведзена дыктоўка да 100-годдзя з дня нараджэння класіка беларускай літаратуры Івана Мележа. У напісанні прынялі ўдзел 29 вучняў VIII-XI класаў, членаў БРСМ.
Па выніках напісання дыктоўкі ўдзельнікі, якія прадэманструюць найлепшыя вынікі, будуць узнагароджаны каштоўнымі падарункамі грамадскага аб'яднання "БРСМ".


У гэтыя дні гасцінна расчыніла свае дзверы бібліятэка і запрасіла вучняў 7 "А" на літаратурнае знаёмства "А на зямлі яго не згасне свет", прысвечанае 100-годдзю з Дня нараджэння Івана Мележа. Вучням было цікава пазнаёміцца з жыццёвым і творчым шляхам класіка беларускай літаратуры.
Бясспрэчна, бессмяротным застанецца тое вечнае, што нарадзілася пад пяром сапраўднага Майстра.


Вучні 4 "В" разам з бібліятэкарам школы Комар Марыяй Георгіеўнай здзейснілі літаратурную вандроўку па кнігах Уладзіміра Ягоўдзіка - нашага земляка, які нарадзіўся ў вёсцы Кастровічы Слонімскага раёна. Дзякуючы кнігам пісьменніка вучні падарожнічалі па лясах і пушчах, рэках і азёрах роднай краіны, вучыліся любіць нашу прыроду і беражліва адносіцца да яе.


Дэкада беларускай мовы, літаратуры, мастацтва і культуры дала магчымасць вучням і настаўнікам зноў сустрэцца з жывым беларускім словам...