21 лютага ва ўсім свеце адзначаецца Дзень роднай мовы. Ён асаблівы для кожнай нацыі, кожнага народа, бо няма народа без мовы, няма мовы без яе носьбіта.
Раніца пачалася з акцыі "Гавары са мной па-беларуску". Святочна апранутыя дзяўчаты сустракалі ля ўвахода ў школу дзяцей і дарослых, віншавалі і раздавалі святочныя паштоўкі.

Цікава, займальна, творча прайшла сустрэча з бібліятэкарам ДУК «Гарадская дзіцячая бібліятэка» Якутай А.А., якая правяла конкурс эрудытаў «Знаўцы роднай мовы» ў 6»В» класе. Падчас мерапрыемства вучні пазнаёміліся з гісторыяй свята, разгадвалі шарады, успаміналі беларускія прыказкі і прымаўкі, фразеалагізмы, перакладалі словы з рускай мовы на беларускую. Сустрэча нікога не пакінула абыякавым.

24 лютага ў бібліятэцы была арганізавана выстава кніг "Родная мова - крыніца жыцця"

Прайшоў конкурс малюнкаў па творах беларускіх пісьменнікаў, і на першым паверсе была аформлена выстава лепшых малюнкаў

24 лютага ў 8"В" класе прайшла інтэрактыўная гульня "Святы і абрады беларусаў". Прымалі ўдзел 2 каманды, якія паказалі добрае веданне беларускіх народных звычаяў. Мерапрыемства спрыяла развіццю ўмення працаваць у камандзе, выхаванню павагі да народных традыцый, пачуцця гонару за гістарычнае мінулае нашай краіны.


25 лютага ў фае школы прайшла інтэлектуальная гульня "Мова родная - мова модная". У час гульні вучні ўспомнілі мноства беларускіх слоў, прыказак, фразеалагізмаў, разгадваді загадкі штучнага інтэлекту. Кожны ўдзельнік атрымаў салодкі падарунак.