Дык чаруй жа людзей паміж моваў другіх І гучы вечна ярка і нова, Мова продкаў маіх і нашчадкаў маіх - Беларуская родная мова! Алесь Ставер

16 лютага ў нашай школе праведзены традыцыйны рэспубліканскі конкурс для аматараў беларускай мовы і літаратуры “Буслік-2023”. Больш за семдзесят вучняў 3-11 класаў з ахвотай прынялі ўдзел у ім.
Навучэнцы былі задаволены цікавымі заданнямі, якія патрабавалі глыбокіх і грунтоўных ведаў. Школьнікі зноў убачылі і адчулі, наколькі багатая і прыгожая, мілагучная і самабытная беларуская мова.

Мова… Наша родная мова… Колькі мілагучнасці, таемнасці ў гэтым слове. Залатыя лісцікі на дрэвах, кожная птушка, кожная кветка і, канешне, чалавек – усе маюць сваю мову.”Самы найцікавейшы і бяспрэчны закон жыцця – гэта людская мова, праз якую чалавек стаў вышэй за ўсіх істот пад сонцам”, – пісаў знакаміты Янка Купала. Іменна з гэтых слоў пачалася святочная лінейка , прысвечаная адкрыццю тыдня беларускай мовы і літаратуры ў пачатковых класах. А далей увесь тыдзень пачаткоўцы будуць з цікавасцю пазнаваць таямніцы роднай мовы.


Свята роднай мовы
Дзень 21 лютага, Міжнародны дзень роднай мовы, пачаўся ў нашай школе святочна і ўрачыста. У фае школы настаўнікаў і вучняў сустракалі дзяўчаты ў нацыянальных касцюмах, віншавалі са Святам роднай мовы.
Інфармацыйная група падрыхтавала і пазнаёміла вучняў школы з гісторыяй Свята.
Дзень прадоўжыўся акцыяй "Чытаем разам", вучні пятых класаў чыталі верш Алеся Ставера "Беларуская мова".
Па традыцыі дырэктар школы Апановіч Святлана Генадзіеўна правяла ўрокі матэматыкі на беларускай мове.
Атрымалася Свята любові да роднай мовы і сваіх каранёў.


Чэлендж "Паэтычны дзень з роднай мовай"

Гродзенскі абласны дыктант
У рамках мерапрыемстваў, прысвечаных Міжнароднаму дню роднай мовы, дырэктар, намеснікі, настаўнікі і вучні нашай школы прынялі ўдзел у напісанні дыктанта "Музейная гара".
І настаўнікі, і вучні прадэманстравалі добры ўзровень валодання мовай.

Сёння 21 лютага вучнi 4-х класау пiсалi адзiны дыктант "Родная мова" , прысвечаны дню роднай мовы.

22 лютага ў рамках тыдня беларускай мовы i лiтаратуры вучнi 4-х класаў удзельнiчалi ў музычным флэшмобе "Пачнем дзень па-беларуску".


Моўны турнір “Адкрываю … нанова беларускае роднае слова…”

Пагавары са мной на мове, Забудзь на час пра «языкі». Няхай гучаць у кожным слове І продкі нашы, і вякі! І.Пракаповіч 22 лютага сярод вучняў шостых класаў прайшоў моўны турнір “Адкрываю … нанова беларускае роднае слова…” , прысвечаны Міжнароднаму дню роднай мовы. Пераканацца ў мілагучнасці і непаўторнасці беларускай мовы дзеці змаглі з дапамогай конкурсаў: «Адным словам», «Усявед», «Чужое слова», «Моўная арыфметыка», «Перакладчыкі», «Лесвіца» і іншых. Кожны вучань яшчэ раз дакрануўся да багацця і прыгажосці роднай мовы, успомніў свае карані і вытокі, адчуў сябе грамадзянінам нашай агульнай радзімы – Рэспублікі Беларусь.