29 сакавіка Слонімская раённая бібліятэка імя Якуба Коласа гасцінна сустрэла вучняў 8 "В", " Г" класаў, якія прыйшлі на экскурсію. У першым аддзеле "Якуб Колас - народны паэт Беларусі" даведаліся аб цікавых фактах з жыцця і творчасці славутага класіка. У другім аддзеле, прысвечаным літаратурнай Слонімшчыне, экскурсавод паведаміла звесткі пра пісьменнікаў - землякоў - Алега Лойку, Міколу Арочку, Алену Руцкую, Сяргея Чыгрына. Было цікава ўбачыць кнігі, асабістыя рэчы, фотаздымкі, дакументы з сямейнага архіва Алега Лойкі.

Удзельнікі экскурсіі атрымалі сапраўднае задавальненне. І яшчэ раз пераканаліся, што кніга - надзейны сябар.