20 верасня вучні 10 "Б" класа наведалі ўстанову культуры "Дзяржаўны літаратурна-мемарыяльны музей Якуба Коласа" ў Мінску. Гэта была выдатная магчымасць дакрануцца да гісторыі жыцця і творчасці нашага выдатнага песняра, 140-годдзе з дня нараджэння якога адзначаем у гэтым годзе.

Слухаючы экскурсавода, вучні з цікавасцю разглядалі асабістыя рэчы паэта і яго сям'і, кнігі, рукапісы, дакументы.

Вяртаючыся дамоў, любаваліся прыгажосцю беларускіх краявідаў і ўспаміналі бессмяротныя радкі класіка: "Мой родны кут, як ты мне мілы!"