Школьная алімпіяда

27 вучняў 5-8 класаў прынялі ўдзел у першым этапе рэспубліканскай алімпіяды па вучэбных прадметах "Беларуская мова" і "Беларуская літаратура".

Віншуем! Нашы пераможцы:
5 клас - Альтудава Ганна
6 клас - Жыгаліна Аліса, Саковіч Арына
7 клас - Кучарава Мар'яна
8 клас - Лысуха Паліна.

ПОСПЕХАЎ на другім этапе алімпіяды!

Рэспубліканскі конкурс "Буслік-2022"

Каторы год запар вучні нашай школы актыўна ўдзельнічаюць у конкурсе знаўцаў беларускай мовы і літаратуры.
113 аматараў роднага слова прадэманстравалі дастаткова высокі ўзровень ведаў па прадмеце.



У суботу, у шосты школьны дзень, вучні шостых класаў разам з бібліятэкарам Марыяй Георгіеўнай Комар адправіліся ў экспедыцыю па нашай роднай мове, каб пабачыць яе хараство, пазнаёміцца з некаторымі старонкамі гісторыі.
У час адкрыццяў "Таямніцы родных слоў" вучні пабывалі на станцыях "Шчодрасць слова", "Мудрыя словы", "Фальклорная", "Загадкавы свет фразеалогіі", дзе іх чакалі цікавыя і займальныя заданні.



21 лютага ў свеце адзначаецца Міжнародны дзень роднай мовы. Гэта адметны дзень не толькі ва ўсім свеце, але і ў нашай навучальнай установе.
СВЯТА МОВЫ - гэта выдатная магчымасць размаўляць па-беларуску, удзельнічаць у розных мерапрыемствах...
Каларытную творчую праграму, прысвечаную мове нашай нацыі, прэзентавалі вучні школы.
На перапынках спявалі песні, чыталі вершы на беларускай мове.
У час акцыі "Чытаем разам" вучні 5-11 класаў чыталі верш Петруся Броўкі "Калі ласка!"
Незвычайныя ўрокі матэматыкі сёння былі праведзены ў 7 "А" і 7 "Г" класах. Дырэктар школы Апановіч Святлана Генадзіеўна правяла ўрокі на роднай мове.
Дэвізам сённяшняга дня былі словы: "Рускай мове дай разгрузку: размаўляй па-беларуску".





21 лютага ў рамках святкавання Міжнароднага дня роднай мовы ў нашай школе быў праведзены Гродзенскі абласны дыктант.
У напісанні дыктанта прынялі ўдзел 7 настаўнікаў-добраахвотнікаў і 48 вучняў. Вынікі паказалі, што высокі ўзровень пісьменнасці маюць не толькі вучні, але і настаўнікі, якія даўно ўжо не сядзяць за школьнымі партамі, а выкладаюць у школе матэматыку, замежную мову, гісторыю, фізічную культуру і здароўе.

Конкурс чытальнікаў вершаў "Чытаем класікаў"

У школе прайшоў конкурс чытальнікаў вершаў "Чытаем класікаў". Пераможцамі сталі вучаніца 8 "А" класа Сас Яўгенія і вучань 9 "Б" класа Качан Максім.



Мерапрыемствы, праведзеныя падчас Дэкады, мелі патрыятычную накіраванасць, выхоўвалі ў вучняў лепшыя маральныя і эстэтычныя якасці, развівалі творчыя здольнасці, далі магчымасць адчуць смак беларускай мовы.